Прыгожая, чароўная прырода,

Ды болей вабiць дзiўная вясна,

Цудоўная пара любая года,

Але мне падабаецца адна...

Сапраўды, вясну можна назваць самай цудоўнай парой года, таму што надыходзіць яна пасля снежнай і халоднай зімы. Вясну з нецярпеннем чакаюць і дарослыя, і дзеці. Нягледзячы на тое, што першыя красавіцкія дні не радуюць веснавым надвор'ем, да нас завітала Вясна!

Сення ў нашай дашкольнай ўстанове адбылася забава для дзяцей старэйшай групы пад назвай «К нам вясна ў госці прыйшла!». Музычная зала была прыгожа прыбраная ў веснавым стылі: на акенцах сядзелі жавароначкі, у небе свяціла сонейка і ляталі ластаўкі, - усе спрыяла добраму святочнаму настрою. Юныя артысты ўвайшлі ў музычную залу пад задорную «Крутуху» і пад дружныя апладысменты гледачоў. Ролю прыгажуні-Вясны выдатна сыграла дзяўчынка старэйшай групы: яна завітала ў госці не проста так, а выканала песню, запрасіўшы тым самым дзетак у дружны карагод. З радасцю дзеці выканалі беларускую народную песню-заклічку «Жавароначкі», беларускую народную песню «Чаму ж мне не пець?», прачыталі вершы пра вясну. Гледачам вельмі спадабаўся старажытнабеларускі карагодны танец «Бранль» у суправаджэнні беларускіх музычных інструментаў. Неад'емнай часткай любой забавы з'яўляецца гульня, якая дазваляе дзецям праявіць свае творчыя здольнасці. Гулялі ў беларускія народныя гульні: «Бусел», «Сонейка і дожджык», «Парачка». Гулялі не толькі артысты, але і гледачы, выхаванцы сярэдняй групы. Было цікава, радасна і весела!

Сюрпрызам для ўсіх удзельнікаў забавы стала «Песенька Пчолкі» у выкананні дзяучынкі сярэдняй групы.

Я ўпэунена, што правядзенне фальклорных святаў і забаў дае магчымасць развіваць пазнавальныя і моўныя здольнасці, фарміраваць навыкі разумення беларускай мовы, а таксама выхоўвае каштоўныя адносіны да багаццяў беларускай культуры.

Падрахтавала музычны кіраўнік Казакова Р. В.